解構減齡飽滿妝容令皮膚飽滿的神秘武器 !

平時無論係工作定係休息，我嘅生活都離唔開影相💃📸。為咗令五官上鏡更立體，唔少人都同我一樣會選擇化厚個妝，尤其當你感覺到自己嘅膠原蛋白開始流失。其實有方法可以唔使化厚個妝，不過我哋由基本開始，學一學點樣化妝，再同大家分享嗰個方法~✨

1. 妝前保養

想個妝透亮啲、貼啲、唔浮粉，妝前打底的嘅保濕程序好重要！通常會先洗面，然後化妝水、精華、cream、防曬咁去，等幾分鐘啲保養品完全吸收哂先再正式上妝。唔同人嘅肌膚都有少少唔同，所以都要有針對自己有少少adjustment~

2. Primer隔離霜

Primer係用嚟遮住膚色唔均勻、出現暗沉/蠟黃嘅問題，同時亦可以阻隔污濁嘅空氣、UV同埋彩妝對皮膚嘅傷害。我哋可以跟返膚色同埋唔同嘅area，用唔同嘅調色底霜矯正膚色效果。另外，輕輕咁上妝會避免到個妝感過分厚。

除咗唔同顏色有唔同調色功效，primer都有另外4種類別俾唔同體質嘅人用，分別係保濕型、控油型、毛孔遮蓋型同珠光型。

3. 底妝

搵到啱自己嘅粉底之後，最重要嘅concept就係「少食多餐」！無論你用嘅係液嘅version、霜、膏或氣墊粉底，每次都唔應該用太多，唔夠嘅可以慢慢加上去去修飾啲細節，咁就可以避免個底妝太厚~

我哋可以點啲喺額頭、鼻子、面頰、下巴，然後用手指或者粉底掃由內到外，上面到下面，有需要嘅時候就按吓、拍吓甚至塗抹，總至就要令粉底均勻咁cover成塊面！記住喺眼、鼻、口同髮線嘅周圍唔好搽得厚，如果唔係就會有條好顯眼嘅膚色分界線㗎啦。遮瑕同粉底一樣。

4. 修容提亮

而修容同提亮就係特出臉部輪廓同埋令塊面精緻啲，所以修容嘅時候最好唔好用太深色嘅，提亮嘅時候亦只係需要局部處理骨頭凸出嘅位置。

5. 定妝

首先我哋可以將定妝噴霧噴晒成塊面，然後喺易出油嘅位，尤其是夏天嘅時候，用碎粉吸走油脂，咁就定好妝啦~

6. 眼妝

用淺色眼影喺眼窩打底，眼線方面就喺你揀好咗鍾意嘅color之後，沿住睫毛根部由眼頭勾勒線條到眼尾。然後加強眼尾線條，拉出5mm左右嘅俐落線條。最後用棉花棒調整眼線，確保眼睛周圍潔淨度。

7. 眉毛

先搵咗眉峰 (大概係在鼻翼外側延伸到瞳孔外圍同眼角位置)，之後用眉筆對齊鼻翼兩側到眼尾延長線，眉尾最好同眉頭平行，用眉筆填補眉峰到眉尾之間嘅空隙。跟住用眉粉勾勒外觀形狀，同埋喺眉頭輕輕刷色，或者用眉筆畫。最後用同髮色接近嘅染眉膏幫眉毛染色。

8. 胭脂

用個掃按壓咁黏啲粉，令啲粉均勻咁黏喺掃毛之間，然後喺紙巾或手背輕輕拍走多餘嘅粉。將啲粉掃喺蘋果肌度，嚟突顯輪廓令臉部更顯立體。上妝嗰陣建議個掃先輕輕印壓，少量多次，逐啲疊加。短臉型可以喺顴骨上面向上斜掃，而長臉型，不妨將胭脂橫向咁掃，減少中間留白嘅位嚟縮短臉型。

9. 唇妝

我嘅做法係用潤唇膏打底先，然後將唇膏搽喺上下唇內側約一半嘅位置，用手指或唇掃將唇膏由內到上下唇邊緣自然暈染。

當然，冇人想用太多化妝品去cover啲瑕疵，最好當然係塊面自然飽滿啦~ 最近天氣潮濕、反覆無常、空氣差，暗瘡即刻出晒嚟😭。為咗唔好俾痘痘影響我嘅工作，我就跟咗朋友去Glowy做「反痘奇兵」💗

一開始美容師就as usual幫我深層洗面去清角質層同毛孔污垢，跟住佢就用部機幫我嘅皮膚注射高濃度嘅CICA神仙草精華。雖然有啲好似有啲氣體噴入面咁，但一啲都唔痛，亦即時感受到皮膚冇咁緊~ 用完部機佢就用全面嘅氧氣罩幫我嘅皮膚注入氧氣，將我皮膚啲污物呼出，亦為皮膚細胞吸入活化純氧，令皮膚細胞修復、加強皮膚屏障。

試過簡直係覺得驚喜！做完塊面即時白咗，好乾爽！反正我係十分欣賞個成果👍🏻真心推薦大家快啲去試~