無返工幾年，最近決定重新做返一個working mom，其實真係好唔慣~最唔慣就係皮膚差咗好多！！因為享受me time對我嚟講就係自我叉電，但係又唔想犧牲陪小朋友嘅時間，到上床訓覺通常都已經係凌晨了~連訓覺嘅時間都唔夠，更加唔會有時間好似以前咁一邊netflix一邊敷mask，同埋好好照顧自己嘅皮膚需要。所以有一日，我突然發現皮膚成日乾到甩皮，法令紋深咗，毛孔仲大咗好多…加上其實年紀都真係開始大~再唔開始抗老，皮膚真係會同你抗議！
於是我決定試做朋友介紹俾我嘅Glowy脹卜卜！做前當然要了解咗脹卜卜係咩嚟先~原來原理係利用無針注射技術，以無痛無創嘅方式將膠原bb打入你肌膚底層。即係唔洗打針，都可以減淡法令紋（有法令紋真係超級顯老╥﹏╥），仲有lifting、收毛孔、同埋改善皮膚暗啞等效果，最緊要係居然仲可以令塊面無咁「凹」，令塊面變得「脹卜卜」！因為骨膠原流失，面凹真係我想解決好耐嘅問題~最重要係呢個無針技術係美國FDA唯一認證嘅傳統針劑注射代替品，所以保證100%安全，而且無風險無副作用，實在搵唔到唔試嘅理由！
首先會好似平時facial咁做深層清潔、去角質、針清（完全唔痛）同埋敷膠原水分保濕面膜，然後就入戲肉！
你會feel到有微電流一直刺激你嘅皮膚細胞膜，其實就係部機將大份子膠原蛋白精華轉化成超級極細份子，令精華可以100%直接導入你皮膚肌底。做嘅時候基本上完全唔痛，只有好輕微酸酸麻麻嘅感覺~我完全係一邊做一邊磕眼訓！
做完第一時間check吓自己嘅法令紋~即刻睇到個變化，皮膚好明顯有飲飽水嘅感覺，細紋少咗，而且膚色都通透咗好多！因為係靠儀器導入，直接將透明質酸滲落肌底層，所以保濕效果的確係敷幾多塊mask都比唔上~皮膚真係由內到外咁glow ✨不過其實我自己都知想改善法令紋或者其他細紋，最緊要一定係解決咗缺水問題先，加上有膠原bb幫手，我·相信做多幾次脹卜卜，皮膚一定會越嚟越好，想法力紋完全消失指日可待！！
