變美之心，人皆有之
香港時尚生活平台Madame Figaro Hong Kong曾表示，“生活愈糟糕，愈需要時裝”。隨住社交媒體嘅普及，以及疫情過後，唔少人有容貌焦慮。網上有唔同影片教學話俾大家知各種變美方法/變美小技巧，然而絕大部分變美新牌仔都會睇到眼花撩亂，唔清楚到底要點先可以改頭換面，內外都變美…… 唔緊要！小編送你2025扮靚指南！等各位變美新牌仔透過生活小細節同習慣，煥然一新~
【變美指南】1：體態管理篇🧘🏻♀️
要變美，小編建議由自己健康開始~ 首先，小編認為只要係自己滿意，而且健康，身材如何並唔係問題。以下係一啲小編嘅變美小技巧。
變美小技巧1：運動🏊🏻♀️
好多人將變美變瘦畫上等號，呢點實屬無可口非，確實係現今社會對「靚」嘅定義，而運動係其中重要一環。然而運動初心並唔係變美變瘦，而係養成健康嘅身體~
小編會建議大家每日做至少30分鐘運動，不論係帶氧運動、力量訓練或者瑜伽等都可以。
變美方法1 - 瑜伽、皮拉提
有助伸展放鬆肌肉，雕塑肌肉線條，令身體線條更修長
變美方法2 - 游水、跑步、跳舞
可快速提升心率，燃燒脂肪
變美方法3 - 力量訓練 (健身)
視乎訓練部位而增強該部位體積及力量
堅持做運動除咗對身體好，對皮膚亦大有好處。運動可以促進血液循環，加速新陳代謝，排出體內毒素。透過運動，皮膚細胞同膠原蛋白都會再生，膚色、皮膚彈性都會變得更好。同時，運動有助釋放壓力同提升睡眠質素。
變美小技巧2：飲食控制🥗
既然以變美變瘦開始，除咗運動，飲食控制當然係其中最重要一環~
變美方法4 – 食7分飽
確保唔容易有飢餓感同時有效控制熱量攝取。透過呢個方法可以令食量變少，絕對係想變美變瘦嘅人嘅不二之選。
變美方法5 – 均衡飲食
節食斷食雖然可以減輕體重，但完全不利於健康，會引致營養唔均衡。除咗按照食物金字塔外，科學嘅飲食方案應該遵循 "早餐豐盛均衡，午餐適量飽足，晚餐清淡適量" 嘅原則。
變美方法6 – 戒口
零食、炸嘢、糖可以唔食就唔食，唔單止可以減少超乎想像嘅熱量，更可以令皮膚免受糖化皮膚影響。
【變美指南】2：生活習慣篇☕
做運動之外，細節例如舉止/衛生等會有助提升個人氣質，因此改變生活細節都對變美至關重要。
變美小技巧3：體態鍛鍊🧍🏻
除咗亮麗嘅外表，良好體態對女生都同樣重要，個人都會睇落精神啲，有活力啲。大家不妨試下以下幾個生活習慣嚟維持好體態。
變美小習慣快速一覽
☑飯後靠牆企15分鐘 ☑拒絕彎腰駝背 挺胸收腹 ☑提早一個站落車行返屋企 ☑飯後散步30分鐘 ☑拉筋 ☑停止翹腳 ☑減少長時間低頭 ☑拒絕托腮摸面
變美小技巧4：充足睡眠
瞓覺有助促進皮膚修復、改善精神狀態、維持健康嘅新陳代謝。最好可以每日保持7-8個鐘嘅睡眠，特別係夜晚10點至凌晨2點係最佳美容時間。
變美小技巧5：飲水
飲多啲水同樣有助變美變瘦，血液循環同新陳代謝，仲可以預防便秘，對皮膚都有美容功效。每日最好飲8杯150ml至200ml嘅水，每兩個鐘一次~ 水除咗啱啱所講嘅呢啲功效之外，仲可以排毒祛斑、腸胃蠕動、提神、增加飽足感。不過記住瞓之前兩個鐘唔好飲，如果唔係第日起身會水腫的。
【變美指南】3：護膚習慣篇💅🏻
變美小技巧6：保濕💦
保濕對任何年齡嘅人都係不可忽視嘅護膚步驟，因為有良好保濕先足以維持肌膚健康。完成卸妝潔面後，要趁臉部仲係微濕嘅時候用爽膚水補水。之後都要記住用精華液同乳液/面霜！此外，每星期沖涼後敷2-3次，10-15分鐘嘅保濕面膜可以有效修護肌膚。
變美小技巧7：淡妝出門💄
想保持精緻，再趕時間都要化個淡妝同防曬。防
曬故然係為咗預防曬黑，其次係有助減少皮膚老化同色斑嘅形成。而如果本身皮膚個底唔算好差，最好戒咗粉底，以便養出好皮膚。淡妝亦只係需要預備以下化妝品： ☑化妝水 ☑精華液 ☑乳液、乳霜 ☑防曬霜 ☑素顏霜 ☑遮瑕 ☑定妝 ☑自然色調眼影 ☑眉筆及眼線 ☑纖長感睫毛膏 ☑血色胭脂 ☑唇膏
☑基本化妝工具
變美小技巧8：保養頭髮💈
正所謂由頭靚到落腳，變美又點少得保養頭髮呢? 大家可以入手一把質量好啲嘅梳，每日陰柔咁梳頭100下。梳頭對甩頭髮同髮量少嘅人有唔少好處，例如清理頭髮汙垢，促進頭皮血液循環，同時按摩刺激頭皮同穴位，有助頭髮生長，保持髮絲順滑蓬鬆、唔開叉。髮質會變好外，髮量亦會慢慢增加。
另外，洗頭時記住有意識咁清潔頭皮，切忌大力拉扯到頭髮。一星期都要護髮2次，洗完頭更加要確保吹乾頭髮。髮質好、髮型先會好睇。
【變美指南】4：自我提升✅
變美小技巧9：培養興趣🎨
一個人嘅魅力源於佢嘅知識、能力、以及獨立性。所以小編會建議大家花少少時間培養一啲興趣愛好，豐富生活。比如運動、茶藝、畫畫等，陶冶性情同時豐富自己底蘊同涵養。既可以令自己生活得更快樂，又可以透過興趣愛好展現個人魅力，擴大社交圈子。
變美小技巧10：👗時尚穿搭🧥
最後當然唔少得衣著啦!! 以下係小編整理嘅一啲穿搭技巧，等大家可以輕鬆着出自信時尚感！
變美方法7 - 穿搭技巧
1) 整體顏色協調：2-3種，以同色系增強整體造型協調感 2) 材質混搭：創造多層次觀感 3) 測試風格：透過測試臉型及五官，選擇適合風格 4) 單一顏色：減少搭配困難，提升時尚感 (明線設計/簡單圖案可增加細節) 5) 改變比例：上寬下窄或相反，盡量避免上下都寬或窄 6) 穿搭層次：平常T-shirt加上外套/衛衣都可以增加立體感 7) 配件：圍巾、帽子或珠寶可強整體造型亮點 8) 舒適為主 9) 大膽用色：黑白灰確實安全，然而不同顏色會令自身穿搭更加獨特有趣
額外變美小技巧：Glowy皮拉提！！
有試過變美變瘦嘅人都知，想瘦身體任何一部分都唔難，唯獨塊面好似做咩都冇用……😖 出到街，見到圓碌碌嘅面，其他人第一反應都係覺得你肥…… 咁樣無疑係對想變美變瘦嘅人最大嘅打擊！😡
Glowy皮拉提幫到你~💪🏻
Glowy皮拉提以550K射頻超聲波技術🔊深入脂肪層，有效咁破壞👊🏻堅固嘅脂肪團，促進新血管生長，刺激淋巴系統，並增加氧氣供應同代謝排泄🌬️。
FR4.0可以輕鬆將熱量傳遞到皮下組織，實現深層加熱🔥，刺激脂肪細胞，令佢哋縮小，同時有效加速血液循環、令膠原蛋白增生，恢復肌膚彈性仲有緊緻度。
另外，FR4.0嘅射頻超聲波技術亦可以鞏固皮膚同肌肉間嘅支撐組織，鬆弛嘅皮膚迅間變得緊致，就好似同皮膚做瑜伽/皮拉提咁💃🏻！肉肉面、雙下巴、皺紋，通通bye bye！🥳
